USM English Language and Literature Dept. Conducts Session 2, Enhances PDLs’ Confidence and Communication Skills
May 21, 2026
Dumalo ang mga mananaliksik mula sa University of Southern Mindanao sa ikalawang araw ng Pre-Work for the Training-Workshop on the Finalization, Validation, and Quality Assurance of the Ubu Monuvu Orthography noong 14 Mayo 2026 na ginanap sa Lake Agco Integrated School, Brgy. Ilomavis, Kidapawan City.
Pinangunahan ito nina Dr. Radi A. Macatabon, punong mananaliksik at director ng SWK; Prof. Susan S. Martinez, direktor ng KEPLRC; Roselyn M. Clemen, Focal Person ng GAD; at Dr. Frans Bert D. Gomez, tagapangasiwa ng MIPCRED.
Ito ay bahagi ng proyektong Pagbuo ng Ortograpiya ng mga Wika sa Pilipinas. Isinagawa ang gawaing ito katuwang ang mga IPEd teachers mula sa DepEd Kidapawan City Division sa pangunguna ni Dr. Alma M. Belarmino, IPEd Coordinator ng DepEd Kidapawan Division.
Layunin ng training-workshop na ito ang paghahanda para sa pagsasapinal ng kanilang isinasagawang ortograpiyang Ubu Monuvu na may pamagat na Od Batok woy Od Oseng Ki, na magsisilbing batayang materyal sa pagtuturo at pagpapaunlad ng wika sa mga paaralan at komunidad ng Ubu Monuvu.
Isa rin sa mga naging layunin ng aktibidad ang pagsuri sa Memorandum of Understanding (MOU) na bubuuin sa pagitan ng Komunidad ng Ubu Monuvu, DepEd Kidapawan Division, Komisyon sa Wikang Filipino, at University of Southern Mindanao.
Text: Jolly D. Samulde, Research Assistant
